"Бавария" вингери Майкл Олисега Европанинг гранд клублари жиддий қизиқиш билдирмоқда.
Журналист Экрем Конурнинг ёзишича, "Ливерпуль" Олисе тимсолида Муҳаммад Салоҳнинг узоқ муддатли ўринбосарини кўрмоқда. Бундан ташқари, франциялик футболчини "Манчестер Сити", "Челси" ва "ПСЖ" клублари ҳам диққат билан кузатиб бормоқда. Бироқ, "Бавария" Олисе бўйича 100-120 миллион евродан паст таклифларни кўриб чиқмайди.
Жорий мавсумда 23 ёшли Олисе барча мусобақаларни қўшиб ҳисоблаганда 17 та ўйинда майдонга тушиб, 7 та гол урди ва 7 та ассистни ўз ҳисобига ёздириб қўйди.
Олисанинг "Бавария" билан амалдаги меҳнат шартномаси 2029 йилнинг ярмигача мўлжалланган.
