Бразилия терма жамоасининг бош мураббийи Карло Анчелотти 2026 йилги жаҳон чемпионатининг эҳтимолий финали ҳақида ўз фикрини билдирди.
Анчелоттининг айтишича, у соврин учун курашда Италия терма жамоаси билан беллашишни истайди.
"Италия терма жамоаси плей-оффдан, яъни мураккаб босқичдан ўтиши керак. Тўғрисини айтсам, улар бунинг уддасидан чиқади деб ўйлайман. Шундан сўнг улар билан финалда учрашишни хоҳлардим. Бундан ҳамма - италияликлар, бразилияликлар ва айниқса мен хурсанд бўлардик. Ҳис-туйғулар нуқтаи назаридан бу мен учун ажойиб бўларди," - дея Анчелоттининг сўзларини La Gazzetta dello Sport келтиради.
