Машҳур мураббий Карло Анчелотти "Реал" ва Англия терма жамоаси ярим ҳимоячиси Жуд Беллингем ҳақида фикр билдирди.
"Жуд - фантастик футболчи. Уни Какага ўхшатиш мумкин. У айнан шундай футболчи: жуда ақлли, жисмонан бақувват, керакли вақтда жарима майдонига етиб келишни жуда яхши билади.
Мен ҳеч қачон Беллингем билан унинг феъл-атвори борасида муаммоларга дуч келмаганман. У жуда профессионал, жиддий ва барча инглизлар каби машғулотларда кўп ишлайди. У томондан ҳеч қандай шикоят бўлмаган," - дея Анчелоттининг сўзларини келтиради Goal портали Rest is Football подкастига таяниб.
