Мадриднинг "Атлетико" клуби сафида тўп тепаётган франциялик ҳужумчи Антуан Гризманн "матрасчилар"нинг мавсумнинг қолган қисмидаги мақсадлари ҳақида гапирди.
"Биз ўзимиз иштирок этаётган барча турнирларда ғалаба қозонишни мақсад қилганмиз. Буни амалга ошириш қийин бўлишини тушунамиз, аммо "Атлетико" улкан ишларни амалга оширмоқда. Биз ўйнашда давом этишимиз, футболдан завқ олишимиз ва голлар уришимиз керак", - дея ҳужумчининг сўзларини келтиради AS.
Испания чемпионатида ўтказилган 12 турдан сўнг Диего Симеоне шогирдлари 25 очко жамғариб, турнир жадвалида тўртинчи ўринни эгаллаб турибди. Пешқадам "Реал" билан орадаги фарқ 6 очкони ташкил этмоқда.
