Бельгия терма жамоаси бош мураббийи Руди Гарсия Қозоғистон билан жаҳон чемпионати саралаши ўйинидан олдин ўз фикрларини билдириб ўтди. Учрашув 15 ноябрь куни бўлиб ўтади ва Тошкент вақти билан соат 19:00 да бошланади.
"Ўйиндан олдин сунъий майдон, узоқ масофага учиш ёки вақт фарқи ҳақида гапирмаслик керак - бу баҳона эмас. Фақат ғалаба учун ўйнаймиз," - дея Гарсиянинг сўзларини келтиради sports.kz.
Шунингдек, Гарсия рақибда биринчи учрашувга нисбатан мураббий ва ўйин схемаси ўзгарганини, аммо футболчилар ўзгармаганини таъкидлади.
Белгия 14 очко билан ўз гуруҳида пешқадамлик қилмоқда. Қозоғистон 7 очко билан тўртинчи ўринда бормоқда.
