"Барселона"нинг польшалик ҳужумчиси Роберт Левандовски ҳеч қачон январда клубни тарк этиш ҳақида ўйламаган. Бу ҳақда нуфузли инсайдер Фабрицио Романо хабар бермоқда.
Манбага кўра, 37 ёшли Левандовски яна мавсум якунлангач, фаолиятини якунлаш ҳақида ҳам ўйламаяпти. Таъкидланишича, Левандовски июнь ойигача бор эътиборини "Барселона"га қаратган. У барча мумкин бўлган унвонларни қўлга киритишни, кейин эса келажак ҳақида қарор қабул қилишни хоҳлайди.
Левандовски жорий мавсумда барча мусобақаларда 12 та ўйин ўтказиб, 7 марта рақиблар дарвозасини ишғол қилди. Ҳужумчининг каталонияликлар билан амалдаги шартномаси келаси ёзда ўз ниҳоясига етади.
