Италия чемпионатининг кейинги турида "Милан" келаси ҳафта охирида "Интер"га қарши ўйнайди.
Ёзда "Манчестер Сити"га қўшилган собиқ "Милан" футболчиси Тижани Рейндерс ўйинни албатта томоша қилишига ва "россонерилар" ғалаба қозонишига ишонч билдирган.
"Албатта, мен ўйинни томоша қиламан ва "Милан"ни қўллаб-қувватлайман. Клуб ҳозирда жуда яхши ўйин кўрсатмоқда, гарчи дерби анча қийин бўлиши аниқ бўлса-да.
Лекин мен "Милан" уч очкони қўлга киритишига ишонаман", - дея Рейндерснинг сўзларини келтиради pianetamilan.it.













