Нигерия терма жамоаси плей-оффнинг биринчи ўйинида Габон терма жамоасини мағлуб этди. Асосий вақт 1:1 ҳисобида дуранг билан якунланган бўлса-да, қўшимча бўлимларда "супербургутлар" ҳисобни йирик кўринишга келтириб, яна учта гол уришди.
Энди уларни жаҳон чемпионати йўлланмасининг бахтли эгасини аниқлайдиган Конго ДР терма жамоаси билан ўйин кутмоқда. Шу билан бирга, Габон билан ўйиндаги ғалабаси учун Осимхен ва шериклар пул мукофотига сазовор бўлишди - ўйин тугаши билан кийиниш хонасига Нигерия футбол федерацияси вакили кириб келди ва уларга 120 минг АҚШ доллари топширди. "Ҳар бир урилган гол учун 30 мингдан", дея изоҳлади у.
2026 йилги жаҳон чемпионати бирданига учта мамлакатда - АҚШ, Канада ва Мексикада бўлиб ўтади.
