Ярим ҳимоячи Салвадор Блопа Лиссабоннинг "Спортинг" клубини "Манчестер Юнайтед"га алмаштириши мумкин.
18 ёшли футболчи лиссабонликларнинг асосий жамоаси сафида атиги битта ўйин ўтказди - унда у "Алверки" дарвозасига дубль қайд этди (5:1). Mail Sport нашри тарқатган хабарга кўра "қизил иблислар" истиқболли португалияликни диққат билан кузатиб бормоқда ва яқин келажакда уни ўз сафига қўшиб олишни ўйламоқда.
Блоп ўзининг универсаллиги билан машҳур: у иккала қанотда деярли ҳар қандай позицияни ёпишга қодир, лекин кўпинча ўнг томонда ўйнайди. Футболчи, шунингдек, 19 ёшгача бўлганлар тоифасида Португалия терма жамоаси сафида саккизта ўйинда иккита гол урган.
