"Манчестер Юнайтед" дарвоза позициясини кучайтириш устида ишламоқда. "Қизил иблислар" эътиборида "Мальмё" шарафини ҳимоя қилаётган швециялик Мелькер Эльборг бўлиб турибди. Sun Sport хабарига кўра, инглиз гранди 22 ёшли посбонни Сенне Ламменсга ўринбосар сифатида кўрмоқда.
Эльборгнинг машҳур Transfermarkt порталидаги нархи - 300 минг евро. Футболчи "Мальмё"нинг асосий жамоаси сафида 14 та ўйинда майдонга тушиб, 7 та гол ўтказиб юборган ва 7 марта дарвозани дахлсиз сақлаб қолган.
"Манчестер Юнайтед" Премьер-лига 11-туридан кейин 18 очко билан турнир жадвалида еттинчи ўринда бормоқда.
