Миланнинг "Интер" клуби ҳужумчиси Анж-Йоан Бонни жамоадошлари Лаутаро Мартинес ва Маркус Тюрам ҳақида гапирди.

22 ёшли футболчи клубда кўпинча аргентиналик ва франциялик футболчи ўринбосарлари ролини ўйнайди. У А Сериянинг 11 ўйинида 4+4 кўрсаткичини қайд этди.

"Мен Лаутаронинг гол уришга бўлган иштиёқини ўзлаштиришни истардим. Бу ёшда "Интер" тарихидаги тўртинчи тўпурар бўлиш - ақл бовар қилмас ютуқ. У ҳар доим гол уришни хоҳлайди.

Маркусга келсак, у ҳамма нарсани билади: гол уради, алдаб ўтади, пас беради. Эҳтимол, у билан кўпроқ ўхшашликларим бордир, лекин биз барибир ҳар хилмиз ва бирга ўйнашимиз мумкин.

Шунингдек, мен Пио Эспоситонинг тўпни яхши ушлаб туриш қобилиятини ўзлаштиришни истардим - бу борада у каби яхши бўлганлар кам," - дейди Бонни La Gazzetta dello Sport нашрига берган интервьюсида.