Италия терма жамоаси бош мураббийи Женнаро Гаттузо ЖЧ-2026 саралаши доирасида Норвегияга қарши кечадиган учрашув ҳақида гапирди.

Италияликлар келаси ёзда бўлиб ўтадиган мундиал йўлланмасини қўлга киритиш учун тўққизта тўп фарқи билан рақибларини мағлуб этишлари керак. Акс холда улар плей-оффга йўл олади.

"Биз бу ўйинга ҳам ҳар қандай ўйинга тайёргарлик кўрганимиз каби тайёргарлик кўрмоқдамиз, бизга ярим йил олдин бизни анча қийнаган жамоа қаршилик кўрсатишини тушуниб, ғурур билан ўйнаймиз. 9:0 ҳисобида ғалаба қозониш жуда ва жуда қийин, лекин ҳеч қачон ҳеч қачон дема," - деди Гаттузо.