"Барселона" ва Испания терма жамоаси собиқ ҳимоячиси Жерар Пике Лионель Мессининг реконструкция қилинаётган "Камп Ноу"га қайтганига муносабат билдирди.
— Мессининг "Камп Ноу"га қайтиши ҳақида қандай фикрдасиз?
— Мессидек буюк шахснинг ҳали ҳам "Барcелона" билан шу даражада боғлиқ бўлиб туриши — клуб учун ажойиб ҳолат. У ўзини бу клубнинг тўлиқ бир қисми сифатида ҳис қилаётгани жуда муҳим. Агар Месси қайтишни ва клуб билан ишлашни истаса, менимча, уни ҳар доим қучоқ очиб кутиб олиш керак", - деди Пике Relevo эфирида.
Мессининг "Камп Ноу"га қайтиши ижтимоий тармоқларда анча кенг тарқалди. Унинг Instagram саҳифасида стадиондан туриб олинган сурати 31 миллиондан ошиқ "Like" тўплади.
