Англия терма жамоаси ЖЧ-2026 саралашида барча ўйинларда ғалаба қозониб, бирорта ҳам ўйинни ўтказиб юбормади.

Кеча Томас Тухель бошчилигидаги инглизлар жаҳон чемпионати саралашида Албания терма жамоасини мағлуб этди (2:0). Жамоа ўз гуруҳидаги 8 ўйиннинг барчасида ғалаба қозониб, 22 та гол урди ва бирорта ҳам гол ўтказиб юбормади.

Тухель Англия терма жамоасини шу йилнинг январь ойидан буён бошқариб келмоқда. Германиялик мутахассис бошчилигидаги жамоа умумий ҳисобда 9:0 ҳисобида ғалаба қозонган бўлса, ўртоқлик ўйинида Сенегалга мағлуб бўлди (1:3).

Англия Албания, Сербия, Латвия ва Андорра бор бўлган К гуруҳида ғалаба қозониб, 24 очко тўплади.