Франциялик ярим ҳимоячи Адриен Рабьо бундан роппа-роса бир ой олдин, 16 октябрь куни жароҳат олган эди. У ҳафта охиридаги "Милан"нинг "Интер"га қарши ўйинида сафга қайтиши кутилмоқда.
Адриенни асосий таркибда майдонга туширишлари даргумон - катта эҳтимол билан у аста-секин ўйинларга қайтади.
Шунингдек, "Милан" лазаретида Фикайо Томори ва Сантьяго Хименес ҳам қолмоқда - улар ҳам "Интер"га қарши ўйинга сафга қайтиши мумкин, аммо ҳозирча буни аниқ айтишнинг иложи йўқ.
Эслатиб ўтамиз, "Интер" ва "Милан" 23 ноябрь куни ўзаро баҳс олиб боради, ҳозирда Кристиан Киву шогирдлари турнир жадвалида биринчи, "россонерилар" эса учинчи ўринда бормоқда.
