Италия терма жамоаси ўз майдонида Норвегияга йирик ҳисобда мағлуб бўлди ва ЖЧ-2026'га тўғридан-тўғри чиқиш имкониятини йўқотди. Улар плей-офф босқичида иштирок этади.
"Скуадра Адзурра" дарвозабони Жанлуиджи Доннарумма жамоа устози Женнаро Гаттузо каби мухлислардан узр сўради.
"Мен ҳам Женнаро каби кечирим сўрайман, аммо март ойида бизга барча қўллаб-қувватлаш, барча мухлислар керак," - дея Доннарумманинг сўзларини келтиради calcionapoli1926.it.
Эслатиб ўтамиз, Италия терма жамоаси тўрт марта жаҳон чемпиони бўлган, аммо охирги марта 2014 йилда турнирнинг финал босқичида ўйнаган.
