Англия терма жамоаси бош мураббийи Томас Тухель Албанияга қарши ўйин охирида захирага олинган Жуд Беллингем ҳақидаги саволга жавоб қайтарди.
22 ёшли хавбек 84-дақиқада майдонни тарк этди - унинг ўрнини Морган Роджерс эгаллади. "Реал"нинг юлдуз ярим ҳимоячиси ўзгаришдан норози бўлди, журналистлар финал ҳуштагидан кейин Тухелдан бу ҳақда сўрашди.
"Мен уни алмаштирганимда, у норози бўлганини кўрдим. Муболаға қилмоқчи эмасман, лекин ўз сўзларимда қатъийман: ўзини тўғри тутиш ва захирадан майдонга тушган жамоадошларни ҳурмат қилиш жуда муҳим. Мураббий қарор қабул қилади, футболчилар эса қабул қилиши керак," - деди германиялик мураббий ўйиндан кейинги интервьюсида.
