"Ал-Иттиҳод" ҳужумчиси Карим Бензема "Реал" форварди Килиан Мбаппенинг бу мавсумдаги ўйинига юқори баҳо берди.
- Бу мавсумда ҳақиқий Мбаппени кўряпмизми?
- У анча яхши ўйнайди. Килиан учун гол уриш янгилик эмас, у буни "ПСЖ"да қилган ва "Реал"да ҳали кўп гол уради.
У тўпга деярли тегмайдиган ўйинлар бўлади. Аммо Мбаппедан имконият бўлганида гол уришини кутамиз. Мадридда шундай.
"Реал" унга жуда муҳтож ва у гол уриши керак бўлган ўйинлар бор, масалан, "Атлетико", "Ливерпул"га қарши...
У Винисиус билан комбинация қилиши керак. "Реал" Чемпионлар Лигасида ғалаба қозониш учун ҳал қилувчи паллаларда Мбаппенинг пайдо бўлишини кутмоқда. Менимча, у буни бошқа ўйинчилар билан бирга қила олади. Бир ўзи бунинг уддасидан чиқа олмайди - унга Винисиус ва бошқа футболчилар керак.
Менимча, Винисиус, Мбаппе, Родриго, гарчи у кўп ўйнамаса ҳам, Беллингем гаплашиб олиши керак. Бир ўйинчи гол уриши, иккинчиси эса голли узатма бериши керак. Биз Беллингемга гол уришни айтмаймиз, чунки бу Мбаппенинг иши, худди Килиан "ўнлик" бўлишини айтмаймиз, чунки бу Беллингемнинг роли. Улар бир-бирлари билан гаплашишлари керак.
Мбаппе яхшироқ кўринмоқда, аммо у "Реал"га керак бўлган паллаларга кўпроқ эътибор қаратиши керак, чунки унда бунинг учун ҳамма нарса бор", - деди "Реал"нинг собиқ футболчиси Бензема.
