Собиқ футболчи, Бразилия терма жамоаси сардори ва мураббийи Карлос Дунга "Реал" Мадрид клуби ва Бразилия терма жамоаси ҳужумчиси Винисиус Жуниор ҳақида фикр билдирди.
"Биз ҳаммамиз адашамиз. Баъзида ҳужумларни шунчаки эътиборсиз қолдириш яхшироқ. Винисиус - техник етакчи, лекин кийиниш хонасида эмас. У техник маҳорати билан шерикларини илҳомлантириши керак, Бразилияга ўзига ишонган ва муаммони техник жиҳатдан ҳал қилишга тайёр бўлган бундай ўйинчилар керак", - дея Карлос Дунганинг сўзларини келтиради Испаниянинг Марcа нашри.
Эслатиб ўтамиз, Винисиус Жуниор 2019 йилдан буён "Реал" сафида тўп тепиб келмоқда.
