АҚШ президенти Доналд Трамп 2026 йилги жаҳон чемпионатига тайёргарлик ҳақида гапирди.
"Мен маъмуриятимга 2026 йилги жаҳон чемпионати мисли кўрилмаган муваффақиятга айланиши учун қўлидан келган барча ишни қилишни топширдим. Ўйлайманки, у энг буюк бўлади. Ва биз аллақачон чипталар сотуви бўйича рекордларни ўрнатмоқдамиз", - дея Трампнинг сўзларини келтиради РИА "Новости".
Бундан ташқари, Трамп турнирга бормоқчи бўлганларга визани ҳозир топширишни маслаҳат берди, чунки дунё мамлакатларининг 80 фоизи учун кутиш вақти 60 кунни ташкил қилади.
Жаҳон чемпионати 11 июндан 19 июлга қадар АҚШ, Канада ва Мексикада бўлиб ўтади.













