Футбол статистикасини йиғишга ихтисослашган Opta портали 2025/26 йилги мавсумда Премьер-лига натижасига янги таҳмин тайёрлади. Агар жамоалар ўтган 11 та турдаги каби очко йиғишда давом этса, чемпионатнинг якуний турнир жадвали қандай кўринишда бўлишини экспертлар аниқлади. Натижалар АПЛнинг расмий ижтимоий тармоқларида эълон қилинди.
Портал «Арсенал»нинг чемпионлигига ишонишда давом этмоқда. Ўртача ҳисобда «канонирлар» жорий Премьер-лига мавсумида ҳар бир ўйинда 2,36 очко тўплашмоқда. Opta суперкомпьютери Микель Артета жамоаси мавсум охирида 90 очко тўплаб, чемпионликни қўлга киритишини таҳмин қилмоқда.
Иккинчи ўринни 76 балл билан «Ман Сити» якунлайди, ҳозирча «шаҳарликлар» Англия чемпионати ўйинида ўртача икки очко олмоқда. Мамлакат чемпиони мақомида мавсумни бошлаган «Ливерпуль» эса мавсумни 62 балл билан якунлайди – худди «Астон Вилла», «Манчестер Юнайтед», «Борнмут» каби.
Opta турнир жадвалининг пастки қисмига «Бёрнли», «Вест Хэм», «Ноттингем» ва «Вулверхэмптон»ни юборади. Суперкомпьютер «бўрилар»га нисбатан шафқатсиз муносабатда бўлган – бутун мавсум давомида етти очко, бу лига тарихидаги энг ёмон натижа бўлади.
Аммо «Сандерленд» тахминларга кўра 66 очко тўплаши керак – шу тариқа клуб 2000/01 йилги мавсумда «Ипсвич»нинг рекордини такрорлаб, олий дивизионга кўтарилган жамоалар орасидаги энг яхши натижани кўрсатади.
