Futbol statistikasini yig‘ishga ixtisoslashgan Opta portali 2025/26 yilgi mavsumda Premyer-liga natijasiga yangi tahmin tayyorladi. Agar jamoalar o‘tgan 11 ta turdagi kabi ochko yig‘ishda davom etsa, chempionatning yakuniy turnir jadvali qanday ko‘rinishda bo‘lishini ekspertlar aniqladi. Natijalar APLning rasmiy ijtimoiy tarmoqlarida e’lon qilindi.

Portal «Arsenal»ning chempionligiga ishonishda davom etmoqda. O‘rtacha hisobda «kanonirlar» joriy Premyer-liga mavsumida har bir o‘yinda 2,36 ochko to‘plashmoqda. Opta superkompyuteri Mikel Arteta jamoasi mavsum oxirida 90 ochko to‘plab, chempionlikni qo‘lga kiritishini tahmin qilmoqda.

Ikkinchi o‘rinni 76 ball bilan «Man Siti» yakunlaydi, hozircha «shaharliklar» Angliya chempionati o‘yinida o‘rtacha ikki ochko olmoqda. Mamlakat chempioni maqomida mavsumni boshlagan «Liverpul» esa mavsumni 62 ball bilan yakunlaydi – xuddi «Aston Villa», «Manchester Yunayted», «Bornmut» kabi.

Opta turnir jadvalining pastki qismiga «Byornli», «Vest Xem», «Nottingem» va «Vulverxempton»ni yuboradi. Superkompyuter «bo‘rilar»ga nisbatan shafqatsiz munosabatda bo‘lgan – butun mavsum davomida yetti ochko, bu liga tarixidagi eng yomon natija bo‘ladi.

Ammo «Sanderlend» taxminlarga ko‘ra 66 ochko to‘plashi kerak – shu tariqa klub 2000/01 yilgi mavsumda «Ipsvich»ning rekordini takrorlab, oliy divizionga ko‘tarilgan jamoalar orasidagi eng yaxshi natijani ko‘rsatadi.