Бундан роппа-роса 20 йил аввал, 2005 йилнинг 19 ноябрида "Барселона" "Сантяго Бернабеу"да ўзининг энг яхши ўйинларидан бирини ўтказиб, "Реал" ва унинг супер юлдузи "Галактикос" дарвозасига жавобсиз учта гол урган эди.

Ўша оқшом ғалабанинг ҳақиқий меъмори бразилиялик Роналдиньо бўлганди, у бутун ўйинни Серхио Рамос билан мушук-сичқондек ўйнаб ўтказди ва якунда иккита гол урди. Бразилиялик сеҳргар жуда камдан-кам рўй берадиган воқеага дуч келди: унинг ажойиб ўйинини ҳайрат билан томоша қилган "Реал" мухлислари ҳам, албатта, мағлубиятдан ҳафсаласи пир бўлган бўлса-да, уни олқишлашди. Ўша мавсум охирида "Барселона" яна Испания чемпиони бўлди ва Чемпионлар лигасида ҳам ғолиб чиқди.