"Реал"нинг собиқ ҳужумчиси Мариано Диас Криштиану Роналдудан нимани ўрганганлиги ҳақида гапирди.
Футболчи 2016/17 йилги мавсумда "Реал"нинг доимий ўйинчисига айланди. Клуб Карим Бензема, Гарет Бейл ва Роналдудан иборат ҳужум триоси билан Ла Лига ва Чемпионлар Лигасида ғолиб чиқди. Мариано 14 учрашувда бешта гол урди.
"Ўша йил ақл бовар қилмайдиган бўлди. Биз Чемпионлар Лигасидаги ҳар бир ўйинда ғалаба қозонишимизни ҳис қилдик. Биз жуда ва жуда жозибали футбол ўйнадик. Криштиану ҳужумда зўр эди, ҳамма ўзининг энг зўр формасида эди.
Мен Криштианудан кўп нарсани ўргандим: тўғри тартиб, машғулотларга эрта келиш, қандай даволаниш, машқ қилиш, тикланиш, ўйинга тайёргарлик кўриш - ҳаммаси. Ваъдаларни бажариш, етакчилик ва шу каби нарсаларни ўргандим. Бу мен ўйнаган энг яхши жамоалардан бири эди.
Машғулотларда жамоа иккига бўлиниб ўйин ўтказарди: А жамоа Б жамоага қарши. А жамоа машғулотларда ғалаба қозонмагунча, ўйинлар тугамасди. Баъзида улар қўшимча бўлимларга ўтишарди, кейин эса олтин гол киритиларди. Биз камбэк қилиш учун тайёргарлик кўрардик ва Мадрид ҳар доим якунда ғалаба қозонарди", деди ҳозирда "Алавес"да ўйнаётган Мариано.
