"Жирона"нинг хорватиялик дарвозабони Доминик Ливакович қишки трансферлар даврида жамоани тарк этиши мумкин. Бу ҳақда журналист Экрем Конур маълум қилди.
Манбага кўра, 30 ёшли Ливакович Хорватия терма жамоасининг биринчи рақамли футболчиси бўлиб қолиш учун кўпроқ ўйин амалиётига эга бўлишни истамоқда. Загребнинг "Динамо," "Болонья," "Майнц" ва "Бетис" клублари унинг ҳолатини кузатиб бормоқда.
Айтиш керакки, Ливаковичнинг шартномаси "Фенербахче"га тегишли, "Жирона"да эса у ижара асосида тўп тепади. Испания жамоаси таркибида дарвозабон бирорта ўйин ўтказмади.
