"Кристал Пэлас" марказий ҳимоячиси Марк Гехи янги клубига қишки трансферлар давридаёқ кўчиб ўтиши эҳтимоли йўқ эмас.
"Бургутлар" раҳбарияти январь ойида футболчини фақат битта даъвогар - "Ливерпуль" ўз сафига қўшиб олиши мумкин, деб ҳисобламоқда, деб хабар беради Sky Sports. Лондонликлар сардорига қизиқиш билдираётган барча грандлар футболчини эркин агент сифатида ўз сафига қўшиб олиш учун ёзни кутмоқчи.
Марк Гехи 2026 йил июнь ойи охирида тугайдиган амалдаги шартномасини узайтирмоқчи эмас. Январь ойидаги сотув "Кристал Пэлас" учун 25 ёшли инглиз учун пул ишлашнинг сўнгги имкониятидир.
Шунингдек, Гехига даъвогарлар орасида "Реал," "Барселона," "Бавария" ва "Манчестер Юнайтед" клублари ҳам бор.
