Мадриднинг "Атлетико" клуби ҳужумчиси Александр Сорлот қишки трансферлар даврида жамоани тарк этмоқчи.

Норвегиялик футболчи 2026-йилги жаҳон чемпионатига оптимал формада келиш учун асосий таркибда доимий ўйинчи бўладиган жамоада ўйнашни хоҳлайди, деб хабар беради журналист Яғиз Сабунжуўғлу. Агар "матрасчилар" 29 ёшли футболчини қишда қўйиб юборишмаса, мавсум якунлангач хайрлашишлари аниқ.

Александр Сорлотнинг Transfermarkt сайтидаги нархи 25 млн евро. Жорий мавсумда форвард "Атлетико" сафида 14 та баҳсда қатнашиб, 2 та гол уришга муваффақ бўлди. Мадрид грандининг бошланғич таркибида футболчи атиги олти марта майдонга тушди.