"Интер Майами"нинг 36 ёшли қанот ҳимоячиси Жорди Альба нима учун шу йил охирида фаолиятини якунлашга қарор қилгани ҳақидаги саволга жавоб берди.
- Менда 20 ёшимда бўлган ўша иштиёқ сўна бошлади. Шартномани янгилаш режалаштирилган эди. Аммо мен ҳеч қандай муаммосиз фаолиятимни якунлайман", - дея Альбанинг сўзларини келтиради Barca Universal.
Альба "Барселона" тарбияланувчиси ҳисобланади. У деярли бутун фаолиятини Каталония клубида ўтказди. У 2023 йилнинг ёзидан бери "Интер Майами" шарафини ҳимоя қилмоқда.













