"Милан"нинг собиқ дарвозабони Кристиан Аббьятти 2021 йилдан бери "россонерилар" дарвозасини қўриқлаётган франциялик посбон Майк Меньян ҳақида гапирди.
"Биз бир-биримиздан фарқ қиламиз, у оёқлари билан яхши ҳаракат қилади ва юқори линяда ўйнашни яхши кўради. Мен оёқларим билан яхши ўйнамасдим, балки биз футболда турли даврларда ҳаракат қилганимиз учундир," - дея Аббьяттининг сўзларини келтиради pianetamilan.
Эслатиб ўтамиз, Аббьятти 1998-2016 йилларда "Милан" шарафини ҳимоя қилган, аммо асосан захира дарвозабони сифатида тўп тепган. Ҳозирда Италия клуби А Серия турнир жадвалида учинчи ўринни эгаллаб турибди.
