"Ювентус" ҳужумчиси Кенан Йилдиз бошқа клублар эътиборида қолмоқда. Туркиялик юлдуз вингернинг манфаатларини ҳимоя қилувчи агент Жорже Мендеш яқинда Лондоннинг "Арсенал" клуби билан музокаралар олиб борди, дея хабар бермоқда indykaila News Италиядаги манбаларга таяниб. Туринда бўлиб ўтган учрашувда 20 ёшли футболчининг эҳтимолий трансфери муҳокама қилинди.
Transfermarkt сайтида Кенан Йилдизнинг нархи - 75 млн евро, футболчининг "кекса синьора" билан шартномаси 2029 йилгача мўлжалланган. Истиқболли ҳужумчига даъвогарлар орасида "Челси", "Тоттенхэм", "Манчестер Юнайтед", "Реал" ва Европанинг бошқа гранд клублари ҳам бор эди.
