"Ливерпуль"нинг собиқ футболчиси, ҳозирда Саудия Арабистонининг "Ан-Наср" клубида тўп тепаётган Садио Мане "Манчестер Юнайтед"га амалга ошмай қолган трансферини эслади.
Сенегаллик мерсисайдликлар сафига ўтишидан олдин ҳам "қизил иблислар" сафини тўлдириши мумкин эди, аммо у бундай имкониятдан воз кечди.
"Менга "Манчестер Юнайтед"дан қўнғироқ қилишди, Луи ван Гаал билан гаплашдим. Уларда Руни, ди Мария, Депай бор эди. Мени сотиб олишнинг иложи бўлмагач, Марсьялни сотиб олишди. Мен: "Сизларда Руни, Депай, ди Мария ва ван Перси бор, унда мен қаерда ўйнайман?" деб сўрардим. Мунтазам равишда майдонга тушишни хоҳлардим," - дея 33 ёшли футболчининг сўзларини келтиради The Touchline.
Садио Мане 2016 йилда "Саутгемптон"дан "Ливерпуль"га кўчиб ўтган ва олти йилдан сўнг "Бавария"га сотилган.
