"ПСЖ" ҳужумчиси Усмон Дембеле тез орада сафга қайтиши керак.
Француз ой бошида "Бавария"га қарши кечган ўйинда жароҳат олганди. "Олтин тўп" соҳиби "Лион"га баҳсни, шунингдек, Франция терма жамоасининг ноябрь ойидаги ўйинларини ўтказиб юборишига тўғри келди. Журналист Фабрис Ҳокинснинг янгиланган маълумотига кўра, 28 ёшли футболчи 26 ноябрь куни бўлиб ўтадиган "Тоттенхэм"га қарши Чемпионлар лигаси ўйинида иштирок этиши мумкин. Шанба куни бўлиб ўтадиган Лига 1 доирасидаги "Гавр"га қарши ўйинда ҳам қайтиш эҳтимоли йўқ эмас, аммо парижликлар юлдузнинг соғлиғини хавф остига қўймайди. Қарор жума куни қабул қилинади.
Усмон Дембеле жорий мавсум Луис Энрике жамоасининг 9 ўйинида 3+2 натижасини қайд этди.
