Ҳужумчи Рандаль Коло-Муани "Тоттенхэм"нинг "Манчестер Юнайтед"га қарши кечган сўнгги ўйинида жағини синдириб олди ва Франция терма жамоасига бора олмади. Коло-Муани саккиз ҳафтагача сафдан чиқиши мумкинлиги тахмин қилинган эди, аммо жарроҳлик амалиёти керак бўлмади.
The Telegraph хабарига кўра, 26 ёшли Коло-Муани аллақачон машғулотларда қатнашмоқда - жағни ҳимоя қилиш учун махсус ниқобда. Француз "Арсенал"га қарши дербида майдонга тушиши ҳам эҳтимолдан холи эмас. Ўйин 23 ноябрь, якшанба куни бўлиб ўтади.
Куз бошида "Тоттенхэм" Коло-Муанини "ПСЖ"дан ижарага олганди. Ўшандан бери ҳужумчи саккизта ўйинда майдонга тушиб, битта голли узатмани амалга оширди.
