"Пахтакор" бош мураббийи Камолиддин Тожиев Суперлига 29-туридан ўрин олган "Насаф"га қарши ўйиндаги (1:0) ғалабага муносабат билдирди.
«Жамоалар мухлисларга ёқадиган ҳужумкор футбол намойиш этишди. Кўплаб вазиятлар юзага келтирилди. Ким имкониятдан фойдаланса, ўша жамоа ютиб кетадиган баҳс эди. Биз ўша тўпни киритдик ва ғалаба қозондик.
Терма жамоа сафидан футболчилар кеча тунда қайтиб келишди. Тикланишди ва бугун майдонга тушишди. Уларга раҳмат айтаман», - деди Тожиев матбуот анжуманида.













