Германия терма жамоаси сафида 1974 йилги жаҳон чемпионати ғолиби Дитер Херцог 20 ноябрь куни вафот этди. Бу ҳақда Германия футбол иттифоқи расмий сайти маълум қилди, ҳодиса сабабларига аниқлик киритилмаган.
Херцог фаолиятининг бир қисми Дюсселдорфнинг "Фортуна" клубида ўтган ва у билан бир неча бор Германия чемпионатининг бронза медали совриндори бўлган. "Фортуна"ни тарк этгач, у Леверкузеннинг "Байер" клубига қўшилди ва у билан иккинчи Бундеслигадан биринчи лигага кўтарилди.
Фаолиятини тугатгандан сўнг, Херцог "Байер"да скаут сифатида кўп йиллар ишлаган. Германия ОАВ нашрларига кўра, у футболчи сифатида ҳеч қачон чет элда фаолият юритмаган.
Ҳужумчи Германия терма жамоаси сафида 5 та ўйин ўтказган.
