"Боруссия" марказий ҳужумчиси Серу Гирасси туманли Альбионда ишлаш имкониятига эга. Бу ҳақда Caught Offside хабар бермоқда.
Журналистлар маълумотига кўра, 29 ёшли футболчини Премьер-лиганинг икки топ-клуби ўз сафига қўшиб олмоқчи. Гап "Арсенал" ва "Манчестер Юнайтед" клублари ҳақида кетмоқда. Келаси йилнинг январь ойида футболчининг шартномасида 50 миллион евролик сотиб олиш банди фаоллаштирилади.
2025/2026 йилги мавсумда Гирасси Дортмунд жамоасининг 15 та ўйинида қатнашиб, 7 та гол ва 4 та голли узатмани ўз ҳисобига ёздириб қўйди. У "Боруссия" билан 2028 йилнинг ярмигача мўлжалланган шартномага эга.
