"Атлетик Бильбао"га қарши ўйин олдидан журналистлар саволига жавоб берган Ханси Флик Педрининг тикланиш жараёни ижобий кетаётганини таъкидлади.

“Биз аста-секин ҳаракат қиляпмиз ва унга ҳеч қандай босим ўтказмаяпмиз. У яхши тузалмоқда. Вазият яхши кетмоқда, шундан хурсандмиз ва у тез орада қайтади,” — деди Флик.

22 ёшли хавбекнинг “Челси”га қарши ўйинда майдонга тушиши ҳақидаги саволга эса мураббий ҳозирча аниқ жавоб бера олмади:

“Бу саволга ҳозирча аниқ жавобим йўқ.”

Ҳозирда Педри индивидуал тикланиш дастури асосида машғулотларни давом эттирмоқда.