“Барселона” бош мураббийи Ханси Флик матбуот анжуманида ҳужум чизиғидаги футболчилар — Ламин Ямал, Рафинья ва Маркус Рэшфорднинг ҳолати ҳақида маълумот берди.

Флик Ямалнинг тикланиш жараёнидан қониққанини таъкидлади:

“Ямал охирги икки ҳафта давомида жуда қаттиқ меҳнат қилди. Кўрганларимдан мамнунман. Бу жароҳатнинг ўзининг ижобий ва салбий томонлари бор, лекин у билан ҳаммаси жойида, деб ўйлайман".

Маркус Рэшфорд ҳақида эса у шундай деди:

“Рэшфордда кеча ва бугун қаттиқ иситма бор эди”.

Энг яхши янгилик эса Рафинья билан боғлиқ:

“Яхши хабар — Рафинья қайтди. Эртага у 10–15 дақиқа ёки ундан кўпроқ ўйнай оладими — бунга ҳали баҳо берамиз. Аммо унинг қайтишиёқ жуда муҳим.”

22 ноябрь, шанба куни “Барселона” ўз майдонида “Атлетик”га қарши ўйин ўтказади.