"Манчестер Юнайтед" яримҳимоячи Каземиро ва вингер Жейдон Санчо билан хайрлашишга тайёргарлик кўрмоқда. Ҳар иккала футболчи ҳам келаси йилнинг ёзида клубни эркин агент сифатида тарк этиши кутилмоқда. Sun Sport хабарига кўра, бразилиялик ва англияликнинг кетиши "қизил иблислар"га маошлардан 35 млн евродан кўпроқ тежаш имконини беради.
33 ёшли Каземирога Саудия Арабистони чемпионати вакиллари қизиқиш билдирмоқда. 25 ёшли Жейдон Санчо жорий мавсумни "Астон Вилла"да ижарада ўтказмоқда - уни кўпинча Италия А Серияси клубларидан бирига ўтиши билан боғлашади.
"Манчестер Юнайтед" АПЛ 11-туридан кейин турнир жадвалида еттинчи ўринда бормоқда.
