"Барселона"нинг чап қанот ҳимоячиси Жерар Мартин ўзининг футболдаги танловлари ҳақида гапирди. Журналистлар 23 ёшли футболчидан асосий кумири ва барча даврларнинг энг яхши футболчисини айтишни сўрашди.
"Болалигимда энг яхши кўрган футболчим Альба эди. Тарихдаги энг яхшиси - Месси," - дея испанияликнинг жавобларини келтиради Barca Universal.
Жорди Альба ва Лионел Месси 2023 йилдан бери "Интер Майами" шарафини ҳимоя қилмоқда. 36 ёшли латераль тез орада фаолиятини якунлайди, 38 ёшли форвард эса яқинда шартномасини 2028 йил охиригача узайтирди.
Жерар Мартин жорий мавсум Ханс-Дитер Флик жамоасининг 14 ўйинида майдонга тушди.
