"Порту"нинг испаниялик ҳужумчиси Саму Агехова фаолиятини Лондоннинг "Тоттенхэм" клубида давом эттириши мумкин. Ушбу маълумот TEAMtalk томонидан улашилмоқда.
Манбанинг таъкидлашича, "шпорлар" асосий эътиборни 21 ёшли форвардни ўз сафига қўшиб олишга қаратмоқда, чунки улар қишки трансфер ойнасида жамоанинг ҳужум чизиғини кучайтиришни истамоқда. Клубдагиларнинг фикрича, Агехова бош мураббий Томас Франкнинг ўйин моделига жуда мос келади.
Жорий мавсумда Агехова барча турнирларни қўшиб ҳисоблаганда 14 та учрашувда иштирок этиб, 9 та гол урди ва 1 та голли узатмани ўз ҳисобига ёздириб қўйди.
Transfermarkt портали маълумотларига кўра, ҳужумчининг нархи 50 миллион еврони ташкил этади.
