Лондоннинг "Арсенал" клуби январь ойида "Борнмут" вингери Антуан Семеньони сотиб олиш бўйича курашда иштирок этиш ниятида эмас.
"Канонирлар" "гилослар" юлдузига асосий даъвогарлар қаторида тилга олинган, бироқ футболчи учун курашмайдиган кўринади. Журналист Райн Тейлорнинг ёзишича, лондонликлар Семеньонинг шартномасида кўрсатилган 65 млн фунт (тахминан 74 млн евро) миқдоридаги товон пулидан хабардор, аммо жамоада Букайо Сака ва Нони Мадуэке борлиги учун трансферга эҳтиёж сезишмаяпти.
Манбага кўра, "Арсенал" қишки трансфер ойнасида умуман катта трансферларни режалаштирмаяпти.
Бугун Микель Артета жамоаси Премьер-лига доирасида ўз майдонида "Тоттенхэм"ни қабул қилади.
