"Наполи" А Серия 12-туридан ўрин олган "Аталанта"га қарши баҳсда ғалаба қозонди (3:1). Мезбонлар сафида Давид Нерес дубль қайд этган бўлса, Ноа Ланг ўз ҳисобига битта гол ёздириб қўйди.
Иккинчи бўлим бошида бергамоликлар Жанлука Скамакканинг саъй-ҳаракатлари билан орадаги фарқни қисқартиришди.
Opta маълумотларига кўра, "Наполи" Европанинг бешта етакчи лигасида 2025 йилда чемпионат доирасида бирорта ҳам уй учрашувида мағлуб бўлмаган ягона жамоадир (2025/26 йилги мавсум бошланишидан олдин юқори дивизионга кўтарилганларни ҳисобга олмаганда). Антонио Конте жамоаси 12 та ўйинда ғалаба қозонди, яна тўрт марта дуранг қайд этилди.
