"Napoli" A Seriya 12-turidan o‘rin olgan "Atalanta"ga qarshi bahsda g‘alaba qozondi (3:1). Mezbonlar safida David Neres dubl qayd etgan bo‘lsa, Noa Lang o‘z hisobiga bitta gol yozdirib qo‘ydi.

Ikkinchi bo‘lim boshida bergamoliklar Janluka Skamakkaning sa’y-harakatlari bilan oradagi farqni qisqartirishdi.

Opta ma’lumotlariga ko‘ra, "Napoli" Yevropaning beshta yetakchi ligasida 2025 yilda chempionat doirasida birorta ham uy uchrashuvida mag‘lub bo‘lmagan yagona jamoadir (2025/26 yilgi mavsum boshlanishidan oldin yuqori divizionga ko‘tarilganlarni hisobga olmaganda). Antonio Konte jamoasi 12 ta o‘yinda g‘alaba qozondi, yana to‘rt marta durang qayd etildi.