"Манчестер Сити" Премьер-лиганинг 12-турида сафарда "Ньюкасл"га мағлуб бўлди (1:2).
"Бугун бизнинг кунимиз эмасди, - дейди ўнг қанот ҳимоячиси Матеус Нунес. - Биз ўз имкониятларимизни яхшироқ амалга оширишимиз мумкин эди - ва ҳаммаси бутунлай бошқача бўларди. Қандайдир изоҳ беришнинг ҳожати йўқ деб ўйлайман. Ютқазиш ҳар доим ёқимсиз. Ҳозир фақат бир нарса қувонарли - тез орада янги ўйин бошланади ва биз унга эътибор қаратишимиз керак. Олдинда чемпионатда кўплаб ўйинлар бор - ишончим комилки, биз чемпионлик учун курашамиз," - дея Нунеснинг сўзларини келтиради City Xtra.
25 ноябрь куни Хосеп Гвардиола жамоаси Чемпионлар лигасида "Байер"га қарши баҳс олиб боради.
