"Барселона" раҳбарияти янги марказий ҳужумчи борасида бир қарорга келди.
Mundo Deportivo хабарига кўра, "Барселона" "Атлетико"дан Хулиан Альвареснинг трансферидан вақтинчалик воз кечишга қарор қилган. Энди каталонияликлар "Бавария"дан Харри Кейнни ўз сафига қўшиб олиш учун максимал даражада ҳаракат қилишмоқчи. Айтиш керакки, Кейннинг хариди "кўк-анорранглилар"га Альвареснинг трансферидан икки баробар арзонроққа тушиши мумкин. Ҳужумчининг "Бавария" билан шартномасида 65 миллион евролик товон пули кўрсатилган.
Жорий мавсумда 32 ёшли Кейн барча мусобақаларда 18 та ўйинда майдонга тушиб, 24 та гол урди ва 3 та голли узатмани амалга оширди. Ҳужумчининг немис гранди билан меҳнат шартномаси 2027 йилгача мўлжалланган.
