Душанба, 24 ноябрь куни "Манчестер Юнайтед" ўз майдонида "Эвертон"га қарши баҳс олиб боради.
Премьер-лиганинг 12-тур учрашуви Тошкент вақти билан 01:00да бошланади.
"Бу биз учун қулай, аммо мухлислар туфайли дам олиш кунлари ўйнашни афзал кўрган бўлардик. Бу энг муҳими. Тушунаман, бу бизнес, бизга кўп пул келтирадиган телекомпанияларнинг манфаатларини ҳурмат қилишимиз керак, лекин менга дам олиш кунларидаги ўйинлар кўпроқ ёқади. Умуман олганда, "Олд Траффорд" ҳар доим гавжум, шунинг учун бизни барибир ўзига хос кеча кутмоқда," - деди португалиялик мураббий учрашув арафасида.
Айни вақтда "қизил иблислар" 11 ўйиндан кейин 18 очко билан турнир жадвалида ўнинчи ўринни эгаллаб турибди.
