"Реал" президенти Флорентино Перес "Барселона"ни айблади. Мадрид клуби раҳбари "Негрейра иши"ни тилга олди - ўз вақтида каталонияликлар ҳакамлар техник қўмитаси вице-президентига пул тўлашган.
"Барселона" ҳакамлар техник қўмитаси вице-президентига 17 йил давомида 8 миллион евродан кўпроқ пул тўлагани нормал ҳолат эмас. Қандай сабаб бўлишидан қатъи назар. Ва бу давр - тасодифми ёки йўқ - "Барселона"нинг энг яхши натижаларига тўғри келади," - дея Переснинг сўзларини келтиради Marca.
Аввалроқ, "Барселона" Негрейрага ҳакамлик қарорлари учун эмас, балки ҳакамлик ҳисоботлари учун пул тўлаганини даъво қилганди.
