Ҳозир Чемпионшипда иштирок этаётган «Бирмингем» жуда ғалати ва ноодатий стадионга эга бўлади.

Британиянинг Heatherwick Studio студияси Америкадаги Manica Architecture бюроси билан ҳамкорликда клуб учун «Электростанция» деб номланган арена лойиҳасини тақдим этди. Стадион 62 минг томошабинга мўлжалланган бўлади ва Лондондан ташқаридаги Буюк Британияда иккинчи энг йирик аренага айланади.

Асосий меъморий акцент — иншоотни ўраб турган ўн иккита ғиштдан қилинган моржига ўхшаш труба. Бу орқали Бирмингемнинг саноат меросини эсга олиш мақсад қилинган. Тузилма нафақат томни ушлаб туради — моржиларда зинапоялар, лифтлар ва шаҳардаги энг баланд бар жойлашади.

Стадион қиймати 1,2 млрд фунт деб баҳоланмоқда. Даромад фақат футболдан эмас, балки концертлар, НФЛ учрашувлари ва бошқа тадбирлардан ҳам топилади.