"Атлетик" клуби қанот ҳужумчиси Нико Уильямс "Барселона"дан учралган йирик мағлубиятдан сўнг ўз фикрларини билдириб ўтди.
Испания Ла Лигасининг 13-тури доирасида басклар "кўк-анорранглилар"га 0:4 ҳисобида ютқазди. Мазкур баҳс "Камп Ноу"да бўлиб ўтди.
"Барселона" "Камп Ноу"га қайтди, гўё уни ҳеч қачон тарк этмагандек... Тўртта гол ўтказиб мағлуб бўлиш оғриқли бўлди, чунки нафас ростлаш учун бир дақиқа ҳам вақтимиз бўлмади. "Камп Ноу"даги муҳит чиндан ҳам даҳшатли эди", - деди Уильямс журналистларга.
Испания чемпионатининг навбатдаги турида "Барселона" ўз майдонида "Алавес"ни қабул қилса, "Атлетик" сафарда "Леванте" билан куч синашади.
